أحمد عبد الحق يكتب .....

انت متعرفيش يعني ايه حب
يعني ايه تعشق
تغير..انك تحب
والاهم انك تتحب
----------------------
قالوا زمان
الحب مش مجرد كلام
ولا لحظه هيام
ولا حروف محشوره في كتب
ولا انك تتعلمه
اصله عمره ماهيتحسب
الحب نار بس دافيه
مش انك ترمي كبريت
جوه الحطب
وانت ياحبيبتي
متعرفيش
متعلمتيش
مفهمتيش
والله لازم افهمك
واعلمك
حتي لو هجرحك
لازم اعلمك الادب
اصلك متعلمتيش مني حاجه
ولا اي حاجه
كل همك تتجملي
مجربتيش يوم تتعلمي
تغلطي..يمكن كمان تكدبي
وتقوليلي انت السبب
يادي العجب
بعد ماتداري كل كدبه
تقولي اسفه
وترجعي برضو كدبه
وكاني بعلم في لوح خشب
لا ياحبيبتي
مش عشان حبي ليك
ولا قلبي اللي شاريك
تدوقيني في حبك العجب
عيشي زي ماانت عاوزه
واجرحيني
الحب مش زي ماانت فاهمه
صدقيني
الحب مش تتدلعي
وتكدبي..
الحب مش انك تلعبي
الحب انك تحضري
رغم الغياب
الحب حتي لو تغلطي
لازم عتاب
الحب ياغلطتي
مش قراءه..مش حساب
الحب انك تعشقي
وتتاسفي لو تغلطي
حاولي تواربي الباب
مش تقفلي
وجوه مشاعرك تتجمدي
اصلي محبش الكداب
علموني الحب امانه
مش اهانه
وعلموني الصدق بمشاعر
مش خيانه
وانت مهما قلت
ومهما بحروف كتبت
واخده علي جرح اي حد
والتمن تفاحه علي الشجر
والله في حبك
مخدش حتي حبة برتقانه
اتعلمي
وافهمي عشان تحبي وتعشقي
اياك تعيشي جبانه
احمد عبدالحق