مظاهر..........ياسر محمد الشريف

مظاهر
ناس كتير عايشة ف مظاهر
وناسية ربها الظاهر
كله للتراب راحل
ومفيش حد هيبقى فاضل
طاب ليه بس المظاهر
ايه فى ناس بتتظاهر
واللى جواها مش ظاهر
فوقوا يا بشر ولا المظاهر
مرض وانتشر
حلوة الحياة على طبيعتها
حلو الناس لما تعيش عيشتها
هى ايام علينا بتفوت
وكلنا بكرة هنموت
تحت التراب كله واحد
مفيش فرق واحد عن واحد
يبقى ليه بس المظاهر
ونسينا ربنا الظاهر
يلى انت غرك مظهرك
الناس ف ضهرك بتكرهك
عيش حياتك على طباعك
هتلاقي الكل احبابك
خدها منى نصيحة
بقول كلتى صريحة
ليه مظاهر مظاهر
ومحدش بحقيقته ظاهر
كلمات مبعثرة تحدثت
فيها عن المظاهر
كلمات شاعر الجنوب
ياسر محمد الشريف