كمرة ومواويل .... محمد النعماني

گمرة ومواويل
****************
گمرة ومواويل وهوة يهب
والسمه لون تلالي كهرب
و وجوه حلوة گلوبهه تحب
ودجله على سوالفنه  خدران
                                                     
گمرة ومواويل وغنه جنوب
يطرب الفاگد الف محبوب
يشفه الگلب لو چان مصيوب
النبرة لحضيري وشعر عريان

گمرة ومواويل وحچي عتاب
ساعه گعدتك والجرح طاب
طول غناك الليل جذاب
وطبع الجرف ما شبع عطشان

گمرة ومواويل وشعر زين
حچيي الصدگ رگص الصوبين
حته الگصب والهور والطين
رگصن غفن والگمر نعسان
****************
محمد النعماني ـ/ العراق