عبدالمنعم عدلى... يكتب.... معلش يا دنيا

معلش يادنيا
عبدالمنعم عدلى..مصر
معلش يادنيا
إنت اللى
رضيت بأهلك
يسكنوا فيك
وتركوا الهم ليك
معلش يادنيا
شيلت الفقير
هم السنين
على طول لياليك
وسبت الباغى
يرعى فيك
هو الفقير جوه
عنيك ساكن
ولا إنت كده
معلش يادنيا
كان نفسى
أشوف وشك
الحلو يوم
وإنت دائما
بعيده عنا كل يوم
معلش يادنيا
ناسك وحشيين
والكحل راح
من العين
ولاعاد فيك
رحمة ولاحنين
ولاحتى كلمه حلوه
(إبكى ياقلب
على الحنيه)
وإبكى على
ناس راحوا وفاتونا
لناس تأذى فينا
راحوا فين اللى
كانوا بيمسحوا
دمع عنينا
ولاعاد حد
فاضل فيك
إلا المغرورين
عايشين فيك
ملوك للأدميين
يخسارة يادنيا
عندما كنت دنيا
كل ساعة وكل ثانيه
الباب بيدق
من غير ميعاد
والناس جايه ورايحه
بتبص على الأحباب
والحلم فيك
كان علم مش سراب
حنين واخدنى ليك
ومعملتش حساب
لبكرا فيك
ولاعطفة حلوة
ولاكلمة تسعد
بيها قلوب
الكل كاره نفسه
الكل بيبص لنفسه
والتراب فيك
يملئ العين
ومين يسكن
قبر فيك
معلش يادنيا
أصلك فانية
وفين أراضيك
ومين مات فيك
خلاص يادنيا خلاص
الكل مش راض بيك
بقلمى عبدالمنعم عدلى