عـلـي الـصـــوت.... بقلم / ميسون محمد. .

توت توت علي الصوت.
اصرخ نادي طفحنا القوت.
شبعنا مهانا كفايه سكوت.
توت عل الظلم والجبروت.
مين هيرفع النبوت....
مين هيرجع بسمة عمر.
جوه نيني العين بتموت .....
مين هيداوي جرح ولادي.
وهي بتنزف دم ليلاتي..
توت توت اصرخ موت.
مبقاش فينا كفايه ركود.
زيفنا الضحكه ببسمة خوف.
وعشنا حقيقة الوهم خمود.
طيبة ماليه قلوبنا ولكن.
كل بحور الدنيا رعود.
دنيا الغاب محتاجه ذئاب.
الأرنب فيها ان غاب لا يعود.
دنيا الغاب محتاجه اسود
وقوة وزيف وقلب جمود.
والأخلاق لو يوم نادت
لو يوم علّت صوتها تلاقي.
مليون صوت قصادها صدود...
هي دنيا الغاب محتاجه لوسطه .
وزيف وقناع مشدود .
علشان تقدر تمشي تلاقي.
في كل مكان تعظيم وخلود .
علشان تقدر تملي تعدي كل.
انواع القهر بعود.
توت توت حقنا جيي.
توت توت علي الصوت

ميسون محمد.
.