اقولك ايه. بقلم/ محمد حسنين

اقولك ايه عدت سنيني معاكي
فرح وجرح وحب بس رضاكي
طيبلي الجرح ودوبني في هواكي
وخلي القلب يشتقلك وانا وياكي
وف عز غر ام
بيقولوا كلام
تنطق به عيونك
وانا باشوف
قمة الكسوف
في تسبيلة عيونك...
وكمان باشوف
كل الكون
جوات عيونك...
وايدك تهرب من ايدي
وتقول للنار قيدي
وابص علي خدودك
والقاهم علي ايدي
واشرب شهد مكرر
وشربات احمر احمر
دايب مسكر بشفايفك
واهيم ويمكن اسكر
ولا افقشي ابدا من خمرك
وساعات نسكت وتقول احاسيسنا لبعضيها
وحاجات اتكتبت بتذاكر العشاق معانيها
انتي ياروحي غنوه انا بس اللي يغنيها
انتي العود والناي وكمان باتحضن بيها
احلي النغمات منك اه اه باسرح فيها
انت بتوحشني واحضاني انت ماليها
باحلف ليكي وصادق فالحلفان
لوجمعوا العشق في كل زمان
انا اول انا عاشق انا ولهان
من يومك سهمك راشق بحنان
انتي ايام عمري
انتي قبلة قلبي
انتي ايامي وسهري
وباحمد وباصلي
علي قربك مني
لو قولنا كلام
واحنا في عز غرام
القي عيونك تتسبل
وارجع واقول واقول
تاني من الاول
ونحلم احلام
مليانه غرام في غرام
لو اموت قلبي عمره مايتحول
ونسأل انا وانتي سؤال
كام سنه عدت بينا
دايادوب عمر الموال
لسه ايامنا وليالينا
كل مافات
ثانيه ساعات
عشق وانات
وكأنه اول يوم لينا
العمر اهو آت
نحسبه دقات
وان فاتنا ساعات
تحكيلنا عنينا
ملناش دعوه بحد
دايبين احنا ف بعض
يتعلموا منا الرايحين
يتعلموا منا الجايين
ويقولوا هناك عاشقين
فالسما طايرين
هايمين مش عارفين
هم منين ولا فين رايحين
حاسين بس بعض
ومالهمشي دعوه بحد
ويقولوا بسكوات
احلي حاجات
ويبصوا لبعض
كام عدا علينا
الايام. الحلوه مابتنعد

بقلمي /
محمدحسنين