نصار العدوي يكتب .....

.                  (( سلمت عليا ))
                   .......       .......
سلمت عليا كانلي زمان ماشفتهاش
ومن غير سلام هيا فى بالي مابنسهاش
أصل الحب الأول صعب يتنسى
ودى حاله قبل منها ماعشتهاش

سلمت عليا وجات أديها تحضن أديا
بصيت فى عنيها شفت دموعا بتبكى عليا
قولتلها لا مابقاش يفيد الحزن حبيبتي
وسدقينى أنا كمان صعبان عليا

كنت فاكرها لما تشوفنى تبعد بعيد
ونسيت بينا اي كلمة قولتالها
ولا هديه جبتالها فى ليلة عيد
لقيتها لسه فاكره كل كلمة
 كل غنوه غنتهالها
لما كنا بنتقابل فى كل وعيد

مش عارف لما أناديلها دلوقتى أقولها أيه
أكيد الكلام بينا أختلف أو أتغير
لما بقينا عن بعض بعيد
بس كل اللي بينا عايش فينا
بغناوينا بحكاوينا
بصوت ينده لأسامينا
بلمس الإيد

ياحب غالي لما كان الغالي قدامي
وصله سلامي وقله قاتلني حرماني
وقله يسامح كل مكان فيه أتقابلنا
ولا سلام كان آخر يوم فراقنا
ويسامح قلبي وقله دا كان غصب عنا
ياحب ماغاب عن بالي ثانية واحده
ياحبي الماضي والحاضر
يا حلم عمري
 وزماني
....
....... كلمات/ نصار العدوي