الدنيا واد مخلوض.....أحمد الناصري..

الدنيا واد مخلوض
جايب حيش وريش...
قلت نمشي فيها مكود
وحطبها ما يعكلنيش...
وسطها لقيت الحال معكد
وماها حريرة لعطشي ما ترويش...
وليت نقاسي و فيها مرمد
ما رحمت روحي وردتني هشيش..
عييت معاها نراوغ ونتجبد
وركبني هبالها وفيه الطيش...
فالقرآن نقرا ونجود
ونطلب من الله سلامة العيش...
ما نخرج منها بالغيس مغمد
وحتى الهدرة فيها ما ندويش...
ديما لله نشكر ونحمد
يشيط لعمر و ما يحشمنيش...

.....أحمد الناصري.....