الشاعر سعيد ساسي يكتب....

ريشه
..........
انا قلبي ريشه في الهوا
طاير ولابيرسيش
وغرامي تاه بين ضلوعي
والحظ مانصفنيش
من كترغدر العوازل
وكلام كتير طراطيش
قلبي الحنين ضنا
والهم فيه كلابيش
حتي كلاب الخلا
نهشوني ولا سابونيش
وصبحت منهم عليل
ماهو اصلهم حرافيش
بعدو الحبيب عن عيوني
ولا همهم انا عيش
انا قلت فينك ياخلي
تعالي ماتسبنيش
عليل في بعدك والدوا
في ايدين ماترحمنيش
وصفولي ريقك دوا
ترياق ماطببنيش
اوعي عنادك ياخلي
يملا القلب بالخرابيش
ويترسم جوه منه
صوره فيها افيش
مكتوب عليها كلمتين
ابعد ماتلمسنيش
بقلمي سعيد ساسي