أحمد سليم يكتب ...

مشفتهاش بقالي مدة
كات بعيد عني شاردة
مشفتهاش من سنين
وحشتني ياناس جفونها
والسحر اللي ف عيونها
و مدوبني الحنين

عمال أسأل عليها
أي حد يكون لمحها
انا عايز بس اشوفها
واسرح في ملامحها
الرمش الأسمراني
بتوه فيه الأغاني
دي حتى من جمالها
عمال أكلم صورتها

النهارده اتقابلنا
والشوق بان في عيونا
كان عايز أنه يحكي
كل الحب اللي بينا
وحضنت ايده ايدي
لماسلم عليا
والنبض اللي ف وريدي
قاله كل اللي بيا

أحمد سليم