ذكريات .... بقلم الشاعر أحمد ابو زياد

ذكريات
      آه يا قلبى ياللى مليان ذكريات
     والدنيا أيه غير شويه ذكريات
      ذكرى ساكنه
     تحيى جوايا الآهات
      وذكرى شاردة
      تقول لى الضحك فات
      فى ذكرى
      سهدى وفرشتى
     وذكرى تانيه
      تأنس وحدتى
      وتالته
      آهه حسرة ومعاها دمعتى

      قلت أفتح كتاب الذكريات
      أتارى السعد
      صفحه صفحتين
      والشقى فيها
      باقى الكتاب
      وصفحه تجر صفحه
      يمكن آلاقى فرحه
      مالقيتش
      إلا حزن آهه ماليها السكات

      وفى يوم جديد هلت عليا
      فجر فرحه جايا من بعيد
      أتاريها ذكرى حلوه
      تايهه فى الكتاب
      إحتار فكرى
      هيا حقيقة ولا سراب
      وسألت قلبى
      أنت لسه فى إغتراب
      رد نبضه قال لى
      ده حبيبك اللى غاب
      وآه تنهيده طالعه من بين الضلوع
      وفرحه بأعلى صوت تنادى
      ما أحلى الرجوع
                                             احمد ابو زياد