اديها يا الشيح والريح
من هنا تمشي وتريح
الى كل ميسوري
ايوصلوا هاد لبريح
ابلادنا زينة
ابلادنا امرية
ابلاد الزيتونة
ياك يا لا لى ميمونة
والخوخة والرمانة
خاصها الخدمة
تعمر بالخير
ايلاد الكسب
ابلاد الطير
الحجلة ولحبارة
لغزال والسمان
وكاع اللى تحلالك
ابلاد الصيد والصيادة
ولعلاوي ولفرادة
الخيالي والخيل
ابلادنا زينة
مانسخاش بيها
فيها اجدودي
اصل طيب
ميسور انتي
ناسك احلاوة
من سيدي بوطيب
حتى ليكلاوة
الخدمة يا ناس
ترفع لينا الراس
بركا من الكلام
نخدمو انزيد للكدام
ارض الزراعة
ارض الخير
انتي ياميسور
الكرم والضافة
انتي ولافة
القلب لكبير
انت ابلادي
اعليك انغير
شيحك ادوا
ناسك نخوة
كاع نبغيهم
اولاد ابلادي
اكبير واصغير
انردو للأمام
انرفعوا لعلام
ابلادنا اصغيرة
غدا اتكون اكبيرة
الحرث ألخوت
عالارض انموت
هاديك ابلادي
ميسور فينك
ابديت انبان
اتغميت من ازمان
جاو الشجعان
اينفضوا الزيتون
يجنيوا الرمان
زغرتو يا لعيالات
ميسور اشحال كبرات
كنت اصغير
الحد لقواس
افراحك تنشط الراس
المنكوش والتكورية
انديرو الصف
لكتف على لكتف
رمزا الوحدة
كاع اخوت
كلشي راه ايفوت

بقلم مصطفى القندوسي الى جميع الاصدقاء
قصيدة ميسور الحبيبة