بنت البلد ******اميرفايز علي

بنت البلد
******
انا شفتها من غير
ما اقصد
وانا طالع الغيط
بدري احصد
وكنت ماشي على الترعه
والبط بيعوم
وبيرعى
وماشي اغني واقول مواويل
يا رب هون
حملي تقيل
لقيت خيالها
قدامي
قلت لها شفتك فى منامي
اتبسمت
وصباح الخير
قلت لها ردت قالت خير
ووقفت فوق الترعه
خجول
عايز اتكلم
قلت ايه اقول
قالت لي يلزم خدمه
يا اخ
قلت لها عطشان
اسقيني
وبنار حنانك دفيني
قالت لي عيب انتا افندي
قلت لها عاشق ومعدي
قالت جرأتك عجبتني
قلت لها غير ضيك مليش
قالت لي تتأخر
ع الغيط
قلت لها غيط ايه
عايز اعيش
قالت لي وحياتي تعدي
وانتا راجع هنا هدي
عديت ورحت الغيط
فرحان
شطبت قبل اواني پأوان
وكنت راجع ومعدي
وعند دارها مشيت
أهدي
والناس كتير وهناك
واقفين
والشوق فى عيني
لضي العين
عملت تعبان واترنحت
وفجأه فوق عتبتها
وقعت
بسرعه جاتني وشدتني
وفى لحظه جات
العين فى العين
سألتني فى التو
عن اسمي
وقالت جرأتك عجبتني
وقالت لي بكره
هقابلك فين
اديتها ظرف مكان وزمان
وتأتي يوم
بقى لينا معاد
وحال بيتغير عن حال
والدنيا ما بترساش
على حال
بصت عليا ودمعها سال
انا قلت ايه يبكيكي
اتقال
قالت لي عايشه
بمليون بال
واول ما شفتك
هديتني
قولي لجيرانك والاصحاب
جايا لنا ناس هتدق الباب
وان قالو مين الناس ديه
قولي حبايب حبينا
غابم وجايين بعد غياب
الله يوفقني فى حبك
ويعيني على قربي لقلبك
وان كنتي بالقول مسروره
انا كمان
بالقول مسرور
باي باي
حبي
********
اميرفايز علي