لا لا
،،،،،،،،،
مش ممكن ادي عمرى
لاي خيال وبس
كان لازم قبل حبي
اشعر بالقلب حس
ياما خدعتنى العيون
ياما حضنت الآهات
ياما حسيت بغربه
جوه ثوانى الساعات
استاهل صدقونى
أنى اتعزب واقاسى
وتسيل مني دموعى
واحزن فى وسط ناسى
الحب مش مشاعر
تنباع وتشترى
الحب كلمه حلوه
والقلب شكل خلوه
والشاهد أن قلبى
جواه الحان لغنوه
يا حبيبتي يا منايا
صورتك سكنت جوايا
يا ساكنه داخل وتينى
يا دايبه فى دمي دوب
يا عابره شراييني
غيرك مليش حبيب
طبعى ضد التكبر
والصد والتجبر
وكلامك كان حنين
من اول كلمتين
هفضل فاكر كلامك
واللين حتى فى سلامك
والدمعه المداريه
وهدؤك واحترامك
انا فى عشقك اسير
وانتى الحب الكبير
والساعه معاكى عمر
بالله قصد السبيل
انا حبيتك بجد
وانتى الحب
الكبير
،،،،،،،،،،،
اميرفايزعلى