ياهلا بهذا الصباح

 شعر عارف شلش الساعدي

 ياهلا بهذا الصباح

  وياهلا بصوته الشجين

ياصباح  الخير اگلك

تگلي لعيونك اودي الياسيمين

 وبيها ارق لعيوني تكتب

 ابعيد عني وانته وين

ريت ابوسنك واشمك

من الشفايف والجبين

وكون ليه والحلالي

واگضي وياك السنين

والله احبنك واريدك

اي وحق ذاك الحسين

 اوذاك اخيه الضحة لجلة

ومن اجل نصرة الدين

وانته تعرف شنهي قصدي

  وليش احلفك  يمين

وجبت بيها التضحيه

ومنهو الضحه  اليدين

والوفاء احچيته عنك

 واهتمامي الالك زين

گول تقبل بيه اخطبك

 يبو گلب ذاك الحنين

 يالله فهمني اواحچي

 امصارحك وعلى يقين

انته من الدنيا كلها

ومااحب هالسر دفين

ياهلا بهذا الصباح

وياهلا بصوته الشجين