العاميه دي عشرة عمري .........ياسر مهدي عمرو

العاميه دي عشرة عمري
لو سيبتها طب هاقعد فين
ناس بتقول حمري ياجمري
وروني يا ناس لو فيه تانين
وان ماعرفتش اقعد هاجري
بدل اليوم انا هاجري سنتين

حرف ال به لما عرفناه
قالوا عليه ف الاصل وباء
قرينا حروف قام عقلنا تاه
قررت اعيش انا باستغناء

كتبوا جلال الله ماي جد
كتبوا كتير اصفار بلا عد
كتبوا علينا ياناس جهلاء
واحنا فراعنا ما زاينا حد

جوم واتعلموا ايه المعني
واخدوا شهادة كمان ف المغني
غنوا علينا ونهبوا حضارة
واحنا فضلنا نقول اشمعني

ايو انا بلدي ولابس توب
علي المسطبه مع ناس قليوب
باحرث غيطي واسقي الزرع
وكل الناس بتقول حبوب

ايو انا عامي وخالي كمان
مصر ف قلبي وليها مكان
عربي باحب انا كل الناس ف الحاره
وباحب حروفي تكون ف امان

ياسر مهدي عمرو