مابين فترة وجيزة
الكل أتقلب لحطام
نسيوا العقل وسنينه
وكأنه أصل ما كان ..
الكل بقا عقله هريسة
وقمر الدين كمان
وزبيب وشوية تحويجة
وتعويذة أردوغان
العقول راحت ف مصيبة
وعشقت التواهان
خلت الجماعة الضريبة
يستولوا على البرشام
ضماير  بقت ببريزة
وبشمة وندغة دخان
أه من الدنيا الجديدة
وأه من الأيام
يوماتي بصبح على بلوى
وأمسي بكام  أتهام
من ناس فقدوا العقل
صاروا حجارة وأوثان
واحد ضارب أمة
مفرج عليها الجيران
علشان تمن شمة
وقرص واحد برشام
والتاني ضارب أبوه
وسبه ف وسط ميدان
وثالث سارق سريقة
وبايعها لعره الرجال
علشان سجارة ملفوفة
تبلية بالسرطان  ..
ورابع خاين مراتة
مع واحدة ماشية شمال
وحاجات من دى كتيرة
عايزة حصر وروقان
خضوا العقل مني
وفقدت الأتزان  .....
أحوال كتيرة بشوفها
راشق فيها الشيطان
قلب الدنيا لحظيرة
لكل ضمير حيوان
والسبب والعيب فينا
أحنا اللي جرينا وراه
وحبينا  الدنيا الجميلة
أم ألف لسان  ....
أحوال الناس  غريبة
ما يرضى بها الجان
مصايب نزلة علينا
قول أشكال والوان
علشان فقدنا الدين
وفقدنا الأحترام
ورب الأسرة ضاربها
جزمة ... ويقول دا تمام
الكل بيناقض نفسه
وعايشها جنان ف جنان
سايب السايب ف السايب
وعايش على الأمثال
تشوفة تقول دا عاقل
وماشي بحق تمام
وزمام الأمور ف أيدة
وشادد  اللجام
ف الأصل واحد تافه
وعاله على النسوان ...
بقلمي ...  جمال حلمي .....
كلام بيجيب كلام