معرفش ليه****محمد المنفلوطى****

معرفش ليه
معرفش ليه بيض الحمام
ماعاد يفقس زى الجنيه
من ايه
أحسن حاجه مضبوطه الساعه الأليكترونيه
والباقي عايز ضبط من الداخليه
1)أصحاب * الهمم اللي عدوا القمم * بدون زمم
من الرشاوى والمحسوبيه
2) قهاوى كترت وبدون ترخيص
لشرب حشيش
3)وصيدليات برشام لشباب دراويش
مخ سوس وعقل مفيش
والحق ياشاويش
الضحيه بتاع ورنيش
4)ومن باعه جائلين
داخل مكاتب حكوميه محملين
سمك لبن تمر هندى وطحين
والطرق للمكاتب كلها طين
وأسأل عن نسرين أو نرمين
يقولوا مضوا ومش جايين
وأنا واقف مهموم وحزين
أقول فلوس الدوله بتروح فين
والله يامديرين انتوا منورين
هو اللى علمهم كده بره ولا سجين
وعلى الرصيف وفى كل حته
تلاقى بوتيك معلق بنطلون وجاكته
حتى فى المحاكم تلاقي ليهم سكه
وبدون تراخيص نفرح ونهيص
بديمقراطية بأستك ودكه
عادات عايزه التصحيح
وأمخاخ عايزه التصليح
والتجار بدون تجريح
والقانون عايز تشريع
والتشريع عايز تسريع
والتسريع عايز نواب
والنواب ما لديها جواب
ومعرفش ليه
بيض الحمام
ماعاد يفقس زى الجنيه؟؟؟؟؟؟؟؟؟
****محمد المنفلوطى****