اسعد الشرهاني... يكتب.. ها حبيبتي

ها حبيبتي،،
خدودج الحلوه الورد
ذبلانه،،
ها حبيبتي،
نظرة عيونج الجسره خجلانه ،،
هاحبيبتي،،
اشغيرج
يالجنتي عصفوره تغرد للصبح،،
اشتعبج
يالجان صوتج يغني ضحكات الفرح،،،
هاحبيبتي،،
سلامتج
يااغلى من نور ال بعيني
سلامتج
يااحلا ايامي واسنيني،،
ااني من غيرج اضوج ومالي واهس،،
يالهامل حياتي
وبس بيج حاسس،،
هاحبيبتي،،
ابتسمي ياعمري
واضحكي
الدنيا ماتسوه بدونج،،
كلش باهته عيوني،
بلايا
شوفة
بسمة اسنونج،،
هاحبيبتي
الدنيا ماتهوا الحب والجمال،
رايده تبجيج
وتبجيني،،
الناس ماترضا
نعيش بود وحنان
تفرح تشوف
الحزن ابعيني،،
هاحبيبتي هاحبيبتي
شگد احبج تشعرين
من اشتاقلج تشتاقين
گلبي ينبض شغف
من اتلاگيني،،
حلگي ينسه السوالف
من تحاجيني،،
هاحبيبتي
ضحكي ياكل العمر
فدوه يروح
البسمة اسنونج
احجي ياكلج ترافه
يااحلا لحن
نضرة اعيونج،،
هاحبيبتي،،
ماصخه الدنيا
بلاحظورج كئيبه،
بلاطعم اكضيه
يومي يالحبيبه،،،
انتي لذة هالحياة بلاوجودج
يصبح الكلشي ممات،،
هاحبيتي،،
خلي اديج بأيدي خل نمشي سووه،
جن نطير بفرحه
شايلنه الهووه،،
هاحبيبتي،،
كلمات،،اسعد الشرهاني