طمني عليك. ..... مريم فخري

طمنى عليك كيف الحال
 مش باين ليه على الساحه
 انشاالله تكون عال العال
 والدنيا حلوه ومرتاحه

 مش هاكدب عليك وبجد
 الدنيا مش يعنى تمام
وخدانى غسيل وثنى وفرد
شارب المر طول  الايام

 يوم ورا يوم دمها بيتقل
طحنانى  فى روتين اليوم
مش عارف ايه اللى بيحصل
عايزانى اعيش فيها معدوم

وكأن بينى وبنها عداوه
وتار لازم تاخده منى
بتعاملنى بقسوه و غباوه
كبرتنى كتير عن سنى
✍مريم فخرى