نصيف شرباجي... يكتب... عيون حسنا

عيون حسنا

يا حسنا حسن العيون
نادني لحبك بجنون
وعلى حسب بروج الطالع
لا انطال ولا رح يهون

يا حسنا بلحظن سهام
بترمي الروح من القوام
ولو لا في عليهن غرام
ما كنا عشقنا هاك العيون

يا حسنا لونن فتان
مهيمن على كل الالوان
يمكن يعمل دنجوان
لو لاقى متلن مزيون

والأمر منهم مطاع
لا اعتراض ولا امتناع
واللي فيهن ياما ضاع
شو حامل عنهم ديون

السحر اللي فيهن أخاد
ليلة حب بسبع اعياد
وشو نفسي بليلة ميلاد
سلطن مع هاك العيون

يا حسنا وصي فينا
بحور عيونك والمينا
البحار بأمر رموشن
والمينا فيهن مسكون

وعليهن لو شو ما انقال
نظراتن مقتل الرجال
بجمالن نلنا المنال
وبفكرن صفينا ظنون
بقلم
...نصيف شرباجي