وجع ساعة .... بقلم الجوهري عبد الله

الجوهرى عبدالله

   وجع ساعه

ليه يا دنيا..
بتعاندى في
بتلفى..وتدورى بي
وانا اللى فاكرك
خلاص صفيتى
وروقتى لي
اتاريكى كنتِ
نويالى نيّه

خدتى حبيبى
من وجهته
ف دروبك تاه
عن سكته
نسى رقته..
وطعم الحنيه
واتعلم على..
ايديكى الاسيه

هجرنى وراح
وسابلى جراح
وانا اللى كانت
تهون حياتى
وهو مايهونشى
عليّه

قدمت قلبى..
له هديه
قدملى هو..
دموع عينيه

حبيبى فينك..
والحب فين
ايامنا الهنيّه
ايام ماكنت
نور عينيك
يانور عينيه
بتخاف عليّه
واخاف عليك
من نسمه جيّه
فين الغرام..
بتاع زمان
ولّا كلام الليل..
بيتنسى ..
الصُبحيّه

حبيبى..
ولسّه بسميك
حبيبى
ولك فى قلبى..
شويات..وشويّه
ياللى انت
بأسم الحب
لعبت بيّ

على اد مانسيانك..
صعب..
احسن..
علاج للقلب
وجع ساعه..
ولا كل ساعه
ف الحيره ديّ

     جوهريات