الشاعر جمال حلمي يكتب .....

ديما زعلان من نفسي
وديما شايل عبعال ..

وديما باعض صوابعي
وانام ليلي  غتيان ..

لايوم مريح نفسي
ولايوم انا خالي البال ....

بشوف الغلط يركبني
ألفين جن ف الحال  ..

يظهر هرب مني زمني
وانا عايش درويش عدمان ..

الكل حوالية أتغير
الكل بقى موضه ياخال ...

ياخسارتي بقيت دقه قديمة
من زمن الريس متقال  ....

أغاني هابطة بتعريفة
بيقولوا عليها دي جنان  ....

ورقص وقله قيمة
ويقولوا برضة فنان ...

رجاله ماتقولش غوازي
بتتمايل  يمين وشمال  ....

والله ماعملتها كاريوكا
ولا ترضى يكون دا نظام ....

فيه ايه يااهل الطرب
فيه ايه ياسادة ياشبان ...

الطرب دا الكعب العالي
ولا أنتم فكرنها زحام ...

وفرح العمدة منصوب
وداعي كل الغلمان ...

والنقطة شغااااله على ودنه
والكل يغني سكران ...

غناويكم بقت حاجة تمرض
وتجيب  للفن زكام   .....

مش فاهم منكم ولاكلمة
غير هرج ومرج شغااال  ...

وموسيقى تسد النفس
وصخب طال العنان  ....

طب ابكي على الزمن الضايع
ولا ابكي على الذوق العام  ...

كنت زمان بسمعها
اسهر مفتون مابنام  ....

برغم صغر سني
كنت بفهم ايه المنوال ...

حبيت الطرب وسنينه
علشانها وفصاحة اللسان ...

الست هاتفضل حاله
وقف عندها الزمان  ....

بلاها طرب مستورد
من بلد الفرنجة العضال ...

ديما زعلان من نفسي
وديما شايل عبعال  .....

الله يرحمك ياابوية
ضربت لي كام مرة مثال  ....

قالي :   شوف يابني
 المطرب
اللي هو صحيح فنان .......

لو مات وساب الدنيا
أغانية حيا وتنقال  .....

والناس على طول فاكرينة
بالرحمة ساعة الآدان   .......
....................................................
بقلمي /^/^/ جمال حلمي ^/^/
............ديما زعلان من نفسي  ............