إجراحي .... بقلم الشاعر الراقي عبد التواب الجارحي

إجراحي
وقولي كلام ما قولتهوش
وهاتي سيرتي فى البيوت
وخلي الجميع يعرف حكايتي
ويدبحو قلبي اللي حبك
قدام عنيكي
وأنا مش هاقول إي شئ
هالازم لساني بالسكوت
عشان اللي بينا يفضل جميل
لكن هاسيح في كل حته
 وأقول دى روحي أمام الجميع
لأن حبك فى الدنيا عندي اغلا شئ
عن كل حاجه حتى نفسي
ومش هاسامح حد خاني
وقال كلام ما قولتهوش
لكن لو بعدك  السبب على المعيشة
انا نفسي اموت
لأن الحياة من غير عنيكي
يا حبيبتي برضوا موت
يرضيكى أموت من غير مااشوفك
ونحكي بكلام كان نفسي أقوله وحوره
لكن القضية اللي ما بينا
شهودها زور ولا يفهموا
ان اللي بينا أحلا حب
بس مش عاوزين مشاكل
لحد غيرنا
وأن كان قدارنا نفضل كدا
هفضل أحبك لو بموت
إجراحي
وقولي كلام ما قولتهوش
وهاتي سيرتي للجميع
بكلام لا قولته ولا هاقولة
لأن حبك في قلبي جنة
لكن بقولك دول يفهموا
أيه معنا جنة
أظن آخرهم يحورو بكلام علينا
لكن الحقيقة في القلوب
وأنا هبقا شاهد وكتم في نفسي
وهلازم لساني بالسكوت
عشان بحبك باجي ع نفسي
وبقولها ليكي ب اعلا صوت
انا بحبك ولو حتي فضلتي تجراحي
إجراحي
وهاتي سيرتي للجميع
وخلي اللي عندك يفضل يقطع
ويقول ما عنده
ما انا خلاص أدمنت حبك
وماعداش ينفع الرجوع
عن حبي ليكي
يا أحلا واحده بين البشر
بهواكي موت .

#  عبدالتواب الجارحى
يكتب
#  إجراحي