الشاعر جمال حلمي يكتب....

ديما على طول
تنساني
وماشي بكيفك
ياسلام

لا يوم رنيت
تليفوني
ولا قلت حبيبي
 زعلان  ......

طب ليه على
طول ناسيني
وقلبك جاحد
وجبان

لا انا عايز منك
ترعاني 
ولا انا عايز
منك  إحسان ..

$$$$$$$$$$$

زمان كنت بتدعي لي
وتقول لي
 دا  العمر فداك .....

وتنام ف عرضي
وطولي
وضلوعي ديما حضناك ...

وتاخد من بوقي
وتاكل
وأنا راضي
وبتمنى رضاك  .....

ما هو انا ال كنت
بشيلك
ف النن
ورموشي حمياك ....

بقا تنسى قلبي
ال أتشعتف
ورا منك
بيعد خطاك ...

&&&&&&&&&&&&&&

مجروح وجرحي
 بينزف  غرقني
دم وآهات  .....

ودموعي فاضت
على اليابس
أخضر
من بعد ممات ...

ياسلام عليك
ياأيامي
شرابك مر وسكرات ..

على طول منه
بتسقينا 
ونقول دا عذب فرات ...

أه  لو العمر اداني 
ساعة زيادة
ما هندم على
كل مافات  ........

الأصل ديما ينادينا
وانا له
بعدد الحصوات   .....

لا عمري ندمت
على امبارح
ولا عمري
سمعت لوشايات  ...

بعامل ربي
ودا طريقي
متعشم
أكسب حسنات ......

يمكن تفتح لي
طريق
للجنة
بعد العثرات  ....

وأكون صحبة
حبيبي
رسول الله
بالذات ....

ديما على طول
أنا ....... منسي
وديما .. دنيتي
حوارات ..

..... ...  كلمات / جمال حلمي  ................
..... ...  ديما على طول تنساني ...............