🎵🎻🎵...يا سارقة قلبي...🎵🎻🎵
*باللهجة العامية*

با سارقة من النوم غفواتو
يا سارقة من الورد عطراتو
يا سارقة من البحر موجاتو
يا سارقة من المهموم نهداتو
يا سارقة من الليل سهراتو
يا سارقة من القلب دقاتو

حبيت اهديك من السن ضحكاتو
حبيت اهديك من العمر لحظاتو
لما ع خدك مرق الهوا ونسماتو
رحتي وحبيبك صار يراجع حساباتو
رحتي وتركتيه يضمد جروحاتو

تخمين تمك نسي ضحكاتو
تخمين قلبك مزروع صخر جواتو
بكرا بيطل الربيع وبتتفتح زهراتو
وبيرجع الطير يغرد ع غصناتو
رح اعصرلك من الكرم خمراتو
وهونيك حد القمر ونجماتو
بفتحلك قلبي لتنامي بطياتو.

بقلمي:يوسف محمود شحرور.