★كلام و كلام★......يزيد علوي اسماعيلي

 ★كلام و كلام★

كلمة السوء يا سيادي قولو لي لاش صالحة
حتى فعدوك قاسحة
من ورا ظهرك لوحها تصبح مرتاح

ناس الجود يا حبابي قوالهم كلها مناصحة
و لكل دموع ماسحة
شوف الكلمة بلوحها تضوي مصباح

اما العيوب يا اهل الخير كيف الجغديد مالحة
ضربت الحروف جايحة
كيف الطمِّين في خلاه لما يقساح

كل صباح عند الفياق نشوف سباب كاسحة
و شلا سبات واضحة
يلا عندك ناب عض به يكفيك نباح

خليك رزين و لا تكون كي مفتاحة و رابحة
و مِّي مينة السارحة
من بوجعران تعانقو و طلقو لصياح

لا تقرب عقرب و اهرب العقرب ما هي مازحة
من ضربة تشدك دايحة
من حامل السم رد بالك ما معاه مزاح

عمات ابْصار و قلوب صبحت بالشر طافحة
ما عرفت فين رايحة
ما حد زمــــــــــــاننا زايد و هو يقباح

ريت قصيد في بياتو گلة الخير كــــــــــــــــالحة
و لا قطرة صالحة
كــــّــــــــأنو گْزار من كتبها أو لا دباح

اطلب العفو و تكايس تقدر تلقى مــــــسامحة
دَع الكلمة الطايحة
را من رسمالو خــسارة ما لِه ارباح

يزيد علوي اسماعيلي