لــحظــــــة مــخـــاض )
بقلمى / عــصـام مـديــــن
.................................................
لحـظة ما قلمى يرتعش فيه انتفـــــاض
باعـرف سـاعتها إن دى لحظـــة مخاض
ينــزف حــروف والشـعر منه يتولـــد
ميـهـمنيـش إن كــات بنيــه أو ولــد
وأعمل سبوع وأفرح والقلم فيه امتعاض
بيقوللى ليه فرحان اوى وأنا  باندبح ؟
بنزف وحبرى ع الورق ناسى الفرح
أنا قلتله لازم نعانى عشان نقدم للبشر
أجمل قصيدة تهزهم وتلمهم ويـا القمـر
عايزين نفرح قلبهم ونعيش أساها وحزنها
زى الشموع بتدوب وتهدى للخلايق ضيها
عـايزين نـقـدم حـبنا للانسـانية كــلهــــا
عـايزين نـنور ضلمـة الليل بالحــروف
وانت بمخاضك أقوى من كل الظروف
كتر المخاض يديك حياه مش راح تموت
لـــــو ألف حـرف وحرف منـك مولـودين
لازم ياقلمى ترسم قصايد للغلابه الحيرانين
تـكتب غـــنــاوى للـــقــلــــوب السـهـرانين
تمســح دمــوع الـعــاشقين الــمشتاقــين
بالله عـلــيك هــمـا عـلـيك مــش صعبــانين
تكتب كــلام يــدى الأمــل لـلـــمــجـروحين
ترسم قمر و شــطوط وورد بكلـــمتين
ترسم شجر وحضن دافى ورمش عين
ضمة حبيب مشتاق يعافر فى الحـنين
قبلة شفايف عطشانين وسط الأنيـــن
ترسـم كـفـوف متوحـدين متشــــبكين
ترسم أمـــان لــقلوب بتهرب م السنين
تكتب قــصايد فيها بسمـة وضحـــكتين
ميهمنيش تنزف حروفك ولا حتى تكون حزين
لكن انا وانت بنقدم رسالة مهما كنا موجوعين
وبرغم حبى ليك قوى ساعة ماتسكت
والــمـخـاض فــــيـك يـــتـــوقــــــــف
يمــكن أخونك وأحـــضن القلم الجديد
عـــشـان ســاعــتهـا حــنخــتلـــــف
هـابعد بعيـــد وإنت كمان حتكون بعـيد
دى أحـــلـــى حـــاجــة فــيك بـجـــد
لـــحــظة مـــخاضـــك ع الـــــــــورق
ســــاعــتها بــس بـــكـــون ســعيد
.................................................
 عصام مدين