*******البدويه*******
بس قوليلى منين يا بدويه
يا أم العيون العسليه
حلوه وجميله يا خمريه
وبسحرك والله جنيه
وصفك أنا فيه محتار
وقلبى مكوى بالنار
كل اللى شافك إندار
والعقل منه راح طار
تمشيلى مشية غزلان
والكل عاشق ولهان
أنا يمك رامى الشباك
بعيونى أراقب شباك
منه طب طلى عليا
وارمينى بنظرة حنيه
قوليلى منين يا بدويه
عليكى دابوا رجليا
النار ف قلبى مشعوله
وبتوبك روحى مجروره
طب حنى وقولى إسمك
سبحانه أبدع فى حسنك
جمالك والله ربانى
دوبنى ومنه آه يانى
لو شافوا حسنك يا صبيه
ما كانوا لاموا عليا
دلينى انا قلبي اختار
على ابوكى وفين الدار
مهرك كله في ايديا
بس انتى تشاورى عليا
قوليلى منين يا بدويه
                 بقلمى/نور الحمصانى