♥♡♥أبن الصعيد♥♡♥
من مجموعة قصائد شكراً ياابن الأصول
يا أبن الصعيد
يا ضي أراضيها
يا نبع الوفا
يا معمر مبانيها
من قلم لفاس
ياسعد أهاليها
يا صاحب الإخلاص
وشمس ضواحيها
فى بدله ولا جلباب
حارس لواديها
يا ورد لبلادى
يا راعى بواديها
عاشق أنا لبلادى
وبروحى أفديها
وأكتب عنها كلام
راح تفهم معانيها
م الألف للياء
بقلوبنا نرويها
وإن كان ليا آمال
ما تكون غير ليها
أنا أبن الجنوب
من قلبى أحييها
من سيوه ﻷسوان
من سينا لواديها
مصر هي بلادى
وبكل لحن أغنيها
          بقلمى وقلبى
           نور الحمصانى