( دارميات وابو ذيات الجابري (2) )
-----------------------------------
يلماشي صوب ابعيد مشيني ويــــاك
ماظل صبر يهواي مــا اريد فركَـاك
**
انسحنت روحي وي روحـك بيــاون
ويـــن الكًصــد يا مهاجـــر بيـــا ون
حمـــــــــام الدوح ما يسبكَـ بيــــاون
وأنا الفايــــــز ابكــــل ونه خفيـــــه
---------------------------------
يلناوي صوب ابعيد ما اظنهه هيـنـه
كسر الكَلـب يهـواي أســـبابه بينــــه
**ـ
جثيـــــره آخات نزت مـــن يلينـــــه
ولا عارض تعرض مـــن يلينـــــــه
الكَلب صمامـــه صخرج من يلينـــه
وغريبه الروح أحســهه موش أليــه
--------------------------------
ضخ دمك أبشريان كَـــلبك الـــداوي
واترك أظنون البيك يلجنت نـــــاوي
**
شــــباري الدهـــــر ولمهه وســـنهه
وابد هالعين مــا ضاكَت وســـــــنهه
نبت نـــاب الحيـــاة بيه وســــــــنهه
والعاذل مبتســـــم يضحك عليــــــه
----------------------------------
الشاعر/ فالح حسن عبد الجابــري
-------------------------------
28/8/2018م
---------------