أيام زمان..........بقلم الدويدة عبدالرزاق

هذه القصيدة بعنوان أيام زمان وهي بالعامية المغربية
بكيت عليك يا جلسة الأحباب
والطبلة مدرجة بالكيسان.
فين أيام شباب
وايام زمان
مزيناها ميدة ما تعاب
فيها زيت من شجر جنان
وعسل النحل المذكور في الكتاب
او خبز الشعير مدهون بالسمان
فين الصوف فين الكباب
الحرير والكتان
بقات ذكريات لا تعاد
ونعيشو وقتنا مع هاذ
الجيل العريان
الكلب اليوم عارف الرباب
وفي الكفن خيطنا على حقوق الإنسان
الغابة خافت من الحطاب
شجارها ذبلات وتحنات لسي فلان
الطاغي بالفلوس رجع لعاب.
يضحك على قوم وقومان
في وجه المسكين سد الباب
ونسى المن والإحسان
هاذ الأيام شفنا العجب
القوي يغلب الضعيف
شعل في قلبو الرعب
بحال الشتا بحال الصيف
المسكين في حياتو تيتعذب
ما يجودو ما يكرمو بالضيف
كل شي على راسو تيكذب
السرقة والنهب والخطيف
والغني بالفقير تيلعب
نهار الممات كيف
كيف درتي عليك تكتب
اللي كان خفيف
في الميزان تيتقلب
لا سيدي لا مولاي الشريف
إلى دار الذنب عليه يتعاقب
بقلم الدويدة عبدالرزاق