(لله المشتکی)

شعر الشاعر عارف شلش الساعدي

مر  ظيم العلي مامر على الناس

ولطفالي   العندي ياهو اليعين

 شال ورحل لبعيد

وصرت اعمل يخي اوعيشتي بدين

لأن مصرف   عيالي   ماكفاني

بعد ماخلفت  اطفال اله اثنين

وصرت اعمل واجيبن خبزه للبيت

وتعبي بيه مشقه بعرگ الاجبين

واصبح كل صباح لارحه للبال

ولاليل الگظيته واعمى العين

واطفالي اگبالي كلهم ايتام

وأبو الايجار گلي خو متنسين

وصاحب هالملك يطلبني ايجار

وينذرني ويگلي ماتطلعين

طلب ايجاره گلي تحضري الافلوس

وانطي مهله الچ وانذاري يومين

وظليت الافكر  واسهر الليل

وايجار الاجيبه گلي من وين

والموعد گزب ويوگفلي عالباب

ولم الناس كلها اويه الجوارين

ومحد حن عليه  اشغير الناس

وغراضچ تنحز لوما تدفعين

عبرتي بصدري احبسها بسكوتي

ويلمح لي ابلغز گلي اشتگولين

الله ايباوع اعلى الحال ويشوف

ولاظلت قيم سموها   لادين

مر ظيم العلي مامر عل الناس

اولطفالي العندي ياهو اليعين