نبض الفقير .......... حسن الشوان

______________ نبض الفقير _________

دول ولادنا يا ناس
بيطلع منهم المهندس
والمحاسب والدكتور
الصورة تثير الإحساس
لما تلقا شفافية الزهور
عايشين حياتهم بالمقاس
والطموح جواهم بصيير
جواهم الهمه والإخلاص
والمسئولية والضمير
والشعار التعليم ببلاش
ومبقاش فيه شرح ولا تفسير
الدروس شغالة بإمتياز
والتربية غرقت ف البير
الفصل ح يتخنق من الأنفاس
ويعمل إيه قلب الصغير
الصورة من قلب الأساس
لا مدرس فيها ولا مدير
ولا حتي عصاية الأستاذ
ولا السبورة ولا الطباشير
الكل غرقان في الكراس
والإنتباه واخدهم والتفكير
البرائه في عيونهم نبراس
والبساطة بتشع منهم نور
وهدومهم الوان وخلاص
ودقة الصورة في التعبير
وعلي الأرض المعني حساس
والدكك عطشانه مسامير
الصورة بتدق الأجراس
ومين يسمع نبض الفقير

____________________________
........... حسن الشوان ................