أيام ...........حسن حفني

أيام
...........
لما الأيام اللي ف عمرك
بتطير و تشت
وانت بتسرق سكرة روحك
تنده بوحك
فتلاقي ف نفسك متبعتر
قنديل ب يحت
.......
طب عارف الست..؟
اللي زمن غنت عالموال
طب عارف الشال
اللي بيتقسم من كتف الست
ست الستات أمي و أمك
والحضن الدافي ال بضمك
على ستر الحال
من غير سجاد
ولا حتى موكيت
......
من غدر الدنيا بتتلفح
بلحاف الصبر بتتوشح
تسقيك من لبن الأمن
كاسات
وتجيب لك صحن
فطير و تفت
......
فاكر دمعتها المتصانه
تتشف م الصبر ف حدقتها
ضحكة شفايفها العيانه
قتلت فرحتها
و هدوم فرشتها المتشاله
حد اما تعت
........
طب فاكر لمسة كفتها
على شعرك
فرشت حنتها
وانت بتتنهوط بتفاهه
وهيه بتسقيلك حنيه
و عقلك ب يشت
..........
تشكي م الظلم ال في الدنيا
وهيه توصيلك بالثانيه
نصحت لك يا ما ف مراسيلك
و يا ريتك شفت
......
فينك يا أما
تعا شوفي انا شبت
عرفان وعرفت
توبان و تبت
وشربت كاسات المر زمن
و لا مره سكرت
...........
فينك يا أما
دي بنات الدنيا أهي
من بعدك
رقصم عالتت
ما بقاش فى فن ولا كرامه
ولا نافع عتب ولا ملامه
ولا غنوة بنفهم معانيها
ك غناوى الست
...........
حسن حفني