حكاية عشق .... بقلم الشاعر الراقي عبد التواب الجارحي

أخير فهمتى ..
مبروك عليكى ..
انا مش بلومك ..
عشان حبيبك  ..
وفاهم ظروفك ..
ولا عمرى اغلط ..
لأن دمك هو دمى ..
لكن بقولك ..
مبروك عليكى  ..
سمعتى منهم  ..
الله وأكبر  ..
وهو عالم بكل شئ  ..
بس بحبك وهافضل اقولها  ..
ومش هابطل  أقول بحبك  ..
لأن حبك فى قلبى أفضل ..
لكن بعاتبك وانتى بعيدة ..
فين هو قلبك ..
ساعة الكلام ..
سمعتى منهم ..
قالولك أيه ..
خلينى أضحك على الكلام  ..
هو إللى فيهم ..
جابوه عليه ..
بس انا راضى ..
مادام سمعتى ..
لكن بقولك  ..
انا مش بعيد ..
ورقمى معاكى ..
مش تخفى ..
مش هاعتبك بالكلام ولا باللى فات ..
لأنك فى قلبى أحلا شئ ..
عارفه ليه ..
لانى جدع ومش بخاف ..
ولا بكش من اى حد ..
لانى عارف قدرك بجد ..
وانتى مين ..
وأنا مش حديد فى قلبى لين ..
وعشان بحبك ..
بسمع وأضحك على الجميع ..
لأن الكلام بصراحة صعب ..
على إللى يسمع  ..
طب أقول لمين أنى بحبك ..
ما الكل عارف ..
لكن إللى يفهم دول مش كتير ..
عاملنى مسرح فى كل قاعدة ..
بيغمذوا ويلسنوا فى كل حته ..
وساعة ما أقعد ..
الكل يصمت وشدد بلاستر  ..
لكن عارف كل واحد ..
هوا مين وآخره أيه ..
لكن بقولك آنا أسد ..
مولود كبير ..
وعارف حدودى فى كل شئ ..
لكن بقدار عشانك أنتى ..
لأنك حبيبتى واغلا شئ ..
لكن بعادك والله صعب ..
ومش بالضرورى يفهموا  ..
آنا ليكى أيه ..
لكن بقولك ..
 آنا ليكى ضهر فى اى صعب  ..
انا ليكى قلب لو فيكى ضعف ..
لأنى مؤمن بالحياة  ..
هافضل أحبك  ..
لأنك حبيبتى مش بالكلام  ..
لا يمكن اجرح ولا حتى أنسى  ..
ولا حتى أعرف أبعد وأخاف  ..
لكن بقولك  ..
 آنا ليكى سند  ..
متخافيش  ..
ولو هموت علشانك انتى  ..
آنا الكسبان فى كل شئ  ..
لأنك حبيبتى وكل شئ  ..
لكن حاقولك على إللى فيها ..
طول ما الحمير تهرى وترغى  ..
انا مش هاكش ولا أخاف ..
لأنك فى قلبى أحلا شئ ..
ومادام بحبك ..
هاسحب كلمة مبروك عليكى  ..
لأنك حبيبتى ..
هافهمك ..
مين الجدع ومين الجبان  ..

بقلم         /     عبدالتواب الجارحى
قصيدة      /    حكاية عشق