الشاعر عبد التواب الجارحي يكتب.....

نظرت عنيكى فيها دموع
ماعرفش ليه وأيه السبب
من الصعب أسكت
او اخدلى جانب
وأصمت وأقول انا مالى وأمشي
أيوه مليش أمسح دموعك
بس حرام أشوف دموعك
من غير ما طيب خاطرك بكلمة
او حتى أقولك  ياحلوه  مالك
من برضوا راجل وليا قلب
وصعب اشوف قمر بيبكي او حزين
دموع عنيكى حازز فى قلبى
والكحل على الخدود مضيئ
يشبه حبات المطر على الكهرمان
لا قادار أسكت
والدم فى عروكى فاير
كيف القمر يكون بيبكى
وقلبى ساكت
ما انا بشر وعندكى قلب
سألتها يا حلوة مالك
بعد ما صعبة عليا أشوف
دموع عنيها جمالها باكى
ولا راضي تشكى
وكبريائها وخدها منى
عندها عزت نفس عالية
والكرامة بينا فى عنيها
وأنا فى خيالى بكلم حالى
 معقول يكون القمر بيبكى
وأنا صابر
قاربت منها وعينى فى عينها
قولتلها مالك
 مش حرام القمر دا يبكي
وأنا واقف
بصتلى بصه وحال عنيها بقول كلام
وقالتلى كلمه مالك ومالى
الله يرضيك سبنى فى حالى
كفاية كسرة
وأنا ليا نظره فى الجمال
صبرت حبه
وقولت ليها انا ليكى شارى
خدى أنفاسك
وأدى حبه مايه ساقعة طرى ريقك
وفاهمينى
 ليه الجمال دا كله يبكى وأنا واقف
انا مش راجل قدام عنيكى
فاهمينى
قالتلى لا يا سيدى أنت راجل
بس حكايتي ليها العجب
وحرام أكون انا السبب تتعب معاية
قولتلها لا انا السبب
حرام يكون الجمال دا باكى او حزين
انا معاكى فى كل شئ
مادام هاتكونى تحت طوعى
قلبها جامد قالت موافقه
بس بشرط تكتب كتابى
قولتلها  انا
قالتلى أنت
ونبض قلبى من الفرحة طاير
قولتلها لحظة
ورحت ماسك إيدها بعشق
قالتلى مالك
قولتلها فين مأذون بلدكم
يكتب كتابنا
بس قوليلى المهر كأم
قالتلى مهرى انا مهرى صعب
كفاية أكون فى حضن راجل
يسالى عليه ويقولى مالك
ساعة ما أزعل يكون ليا أب وأخ وخال
ساعة ما أتعب يكون فى ضهرى سند وعم
وأنا ليا نظره فى الرجال
وشاء القدار تكون نصيبى
يا أحلا لحظة مرة فى عمرى
كفاية إنك طيبت خاطرى
وفضلت واقف ومش يأست
ولا حتى قولت كلمة خارجة
ولا لفظ خارج يجرح مشاعرى
عرفت ليه انا قولت مهرى
أب وأخ وخال
لو على الفلوس بتروح وتيجى
لو على القصور  شوف القبور
يعني المهم انا ابقى راضية
وساعة ما أشوفك افهمك
أفهم انت فى ضميرك أيه
انا هبقا ليك كل لحظة
وساعة ما تزعل عارفه دواك
انا بنت أصل وبرضوا بافهم
أنت الأمل اللى عمرى كله بحلم أكون معاه
أظن ليك تعليق ها تقوله قبل ما نبداء
ما هى الحياة سمع وطاعة
مادام بنشارك بعض الآراء
رضيت عليها بكل فخر
فعلا قمر تشبة إللى الملاك فى الطبع
سبحان إللى صور  ملوك الجمال

# بقلم        /     عبدالتواب الجارحى
# قصيدة    /     الجمال الباكي