راح فين
،،،،،،،،
كان بيخبط عليا
وكنت بارد مين
وانا عارف انه هوا
غالب عليه الحنين
دقات قلبه سامعها
نظرة عينه متابعها
وعارف انه خايف
من غدر الغدارين
قولو له بحبو
من لحظة الحوار
ومشتاق للمحبه
ومشتاق للجوار
انا مصرى
وهوى مصرى
والاصل فى دمنا
والمغرض دس سمه
بدناسه وسطنا
بحبه عشان خجول
حيران فيه العزول
قلبه مليان آلام
ومحيره الفضول
قولو له كفايه نبعد
عايزين ننسى البعاد
ونجدد المحبه
ونجدد الوداد
حب الغريب حرام
بيزرع الآلام
دول ناس لهم عادات
زى العيب والحرام
مشتاق يا اشطه بلدى
يام الخدود تفاح
يا سادله رموش عينيكى
يازينة الملاح
مشتاق يا بنت بلدى
يا شريفه يا صاينه عرضى
سيبك من الاجانب
العيره النصابين
تجار غدر المشاعر
تجار زيف الحنين
انا راجع للضفاير
وريحة الامان
نفسى فى شطك
يا ترعه
نفسى فى حضن الامان
قلت اكتب لك رساله
وعليك تفسريها
ارجوكى تردى حالا
فى رساله وتبعتيها
عارفك خايفه عليا
ومشتاقه لعينيا
بحبك والله عالم
بالحب جوى قلبى
حقيقه بين الضلوع
كان لازم
كان لازم
كان لازم
تعرفيها
،،،،،،،
اميرفايزعلى