كيفك كيفك يا جارة ........ناصيف شرباجي

كيفك كيفك يا جارة
وعيونك شو أخبارا
انشالله بعدن بالهوى
شط ومرسى ومنارة

يا جارة جارك مشتاق
عم يعاني من الاشواق
مستني الحظ المسكين
يجيب لي منك إمارة

يا جارتنا ..جاورناكي
و شقينا تا لقيناكي
يا جارتنا عيناكي
سيوف وغمدن نضارة

غاروا علينا برموشن
و احتلونا بجيوشن
حتى ما حدا يحوشن
عن الروح وإطارا

لو قلبك يا جارة جار
وولعت في قلبي النار
رح اعتب لو بالاشعار
واستنجد بالبحارة

ناصيف شرباجي
سوريا