الشاعر /احمد كامل الشارود ...يكتب ... انا رمانى الهوى ...

( قصيدتى بعنوان)
       
          ...انا رماني الهوى..

انا رمانى الهوى ولا رمانى
 جمالك...
اموت صريع الهوى ولا بوصف
خصالك...
كل احبايب سوا وانا  منايا
وصالك...

أحلم بليلة هنا ولا بلمسة
إيد...
أزوق معاك الهنا في وقت كله
سعيد...
ويبقى قلبي إرتوى من كل حب
جديد...

انا أصلى بتمنى قلب يكون لى
حنون...
يعشق ويتهنى توب البهاء
ويصون...
وتملى فى حبك يحلى العزاب
ويهون...

بخدودك الوردي ماتقفليش
الباب...
بروحي أهديلك قلب لسه
شباب...
ولو كانوا واقفينلك الفين من
الخُطاب...

انا رمانى الهوى ولا رمتني
عنيكى...
مجروح وطالب دوا ودوايًَ فى
إيديكى...
ولو مُت بجسمي انا قلبي يعيش
ليكى...

أنا رمانى الهوى ولا رمتني رموشك..
أسير هواكى انا ولا حد هيحوشك..
لوجيتى فى الميدان وقفت بجيوشك.

النظره دى طلقه جايه من المدفع...
والبسمه دي دانه جوا القلوب توجع..
والآهه دي نووي على الكتوف ترفع..

من كتر مابيه أنا هشتغل رحال...
وفى كل مدينه هكتب عن الاحوال...
وف زحمه اوزينه أخد للحبايب شال..

لو عاد الزمان بيًه للحب أقول لأه...
ولا أشوف الزار ولا أحضر الدقه...
وكنت أفوت الأه ولا أعوز .ذقه...

بس الزمان داير بالدنيا لف ودار...
وربك القادر على العباد ستار...
ساتر سكون الليل وللعباد غفار...

شعر/ أحمد كامل الشارود