الشاعر /حسانين غندور ...يكتب ...مرت عليا أيام ...

مرت عليا ايام يا زمن وانا عايش في الدنيا وحيد
وجوه قلبي نار وعذاب شديد
من حب كان في الدنيا بعيد
بحلم بيه ونفسي اطوله
لو جاني الحب ده في قلبي كلام كتير هاقولهوله
بحزن على كل شيء غايب عني
لما الحب سابني وحبيبي راح مني
رسم حلم كبير جو همي
وفجأه ضاع الحلم وصوت الحب عايش في دمي
بندم ليل ونهار
وشايف في الحياه عذاب ومرار
ليه يا زمن كل حب يخدعني
وبناره وعذابه يوجعني
طاب انا عملت ايه يا دنيا
لما أعز حبيب ودعني
قولت كل كلام الآه مرضيش يسمعني
مشيت في بحور أوهام
وانا كل اللي بيا آلام
وخايف وانا ماشي
وافتكرت كل حاجه احلام
ليه فارقنا الحياه من بعضينا
واتملت قلوبنا كلام مجروح
ونجيب اللوم على نفسينا
إنكتب علينا فراق كبير
بس ده موش بأيدينا
عاوز اقول كلام كتير وانتا جنبي
وتمد ايدك على قلبي
بحاسب نفسي على كل خطوة بمشيها
وده كان خطأي وزنبي
يا قلب كان اجمل شيء محبوب
يا حب على كل سطر مكتوب
يا حزن كل ليلة على قلبي محسوب
آه يا مراري ويا سنيني
فات الزمان ودمعي على عينى
ومين في الدنيا حس بحنيني
عيشتني في نار وعذاب
ومفيش يوم دئيت عليا باب
قلبي مستنيك يا صفحة من كتاب
ارجع تاني وكل غلطة فيها كلام وعتاب