عادل داود عسكر يكتب......

ليه. بقا ميه..
ليه دمنا هان علي بعضنا......................... وبقا.. ميه
احنا بشر..وكلنا اخوات..ليه قلوبنا قاسيه... وعصيه
سنج وسيوف واخلاق. ضاعت. ومفيش.... إنسانيه
بقينا غابه مليانه ديابه.. طبعنا. حيل كلها شيطانيه
ليه....
ليه والف ليه ومفيش جواب. والضمير نايم ......وغاب
وبقا الجبروت قانون. والسطوه.حياه.ونسينا ..الحساب
ليه عزرائيل ساكن حينا.. واللي بيموت... خيرة الشباب
صحيح. من غير تلميح.. من أساء الأدب أمن.... العقاب
ليه..
كل يوم جريمه. وحروب ومش عارفين رايحين.. فين
خلص من الناس الإحساس. وبقا.. الوجع........ وجعين
الشر إنتصر علي البشر.. وكترت الجروح مش جرحين
قوانين غابه وديابه.. وعجب والصبر نجيبه...... منين
ليه...
الغلبان متهان.. شارب دموعه احزان.. والدنيا....... ظلماه
فين الانسانيه والانسان.فين الأخلاق.. إتقوا............. الله
خافوا.ربنا هو الكبير مالك الكون اللي بتسجدله ...الجباه
ارحمنا ياربنا. نساع بعضنا..نعمل خير يوم الحساب نلقاه