يا خسارة.. يا خسارة الحر لما تغيره الأيام، يصفر لونه ويبقى عبرة للأيام، خسيس قال للأصيل تعالى عندنا خدام تاكل وتشرب وتبقى من جملة الخُدام، ضحك الأصيل وقال عجبى عليك يا زمان، حوجتنى للخاين واللى مالوش أمان، أنا اطلع فوق جبل عالى ياكلونى حدا وغربان ولا يقولوش الأصيل عند الخسييييس خدااااااااااااااااااااااام
****************************

انا الأصيل
********

انا الأصيل ومن
دهب معدني
ولا عمري انزل
لمستواك الدني

هفضل أصيل حتي
لو الزمن هدني
وبدعي يارب لدينك
بالجميل ردني

ومش مسامح اللي
في الظالمين عدني
منا مش هعض الكلب
حتي لو عضني

انا الأصيل ومعدني
من اغلي نوع من ماس
بعمل حساب ربنا مش
بعمل حساب للناس

انا الأصيل ومن
 دهب معدني
انا الفقير يارب
وانت يارب الغني

بدعي في ليل ونهار
بقول يارب اهدني
وابعدني يا الله عن
كل اللي بيضلني

عمر ما هيكون صاحب
اللي لطريق الشر
بياخدني ويشدني
صاحبي الحقيقي هو

اللي من قلبه بيحبني
هو الأصيل ابن الأصيل
واللي لطريق الخير
يدفعني ويزقّني

لو فيكو حد بجد
 حقيقي بيعزني
بلاش علي فعل
شر في الدنيا
 دي يوزّني

انا هفضل اصيل
ومعدني من دهب
حتي لو البشر كلهم
ابو جهل او ابو لهب

هعيش حياتي فوق
هام السحب
ومش هكون زي كتير
شبه نشارة خشب
انا الأصيل ومعدني
من ذهب  

حمدينو اشهاوي