أوعاك يا ولدى
أوعاك يا ولدى تقول جعان
او تنام ظالم وتكون قلقان
ومافيش حمد وعلى طول سرحان
ربك واحد وبيك رحمان
أوعاك
اوعاك يا ولدى تكون جبان
وفى عز البرد تقول سقعان
ولو جه صيف ما تقول حران
وما تبص فى يوم على واد جيران
أوعاك
أسال اللى ألهمنى وسماك
ولا عمره فى يوم ينساك
أوعاك
وماتخلى حد يطبطب عليك
أطلب منه الرزق يجيك
ينجيك يغنيك
الله يا ولدى يرضى عليك
ولا حاكم ظالم يبهدل فيك
أوعاك
تمشى يوم فى ظلم الريح
الدنيا فسحة
لتخلى حياتك مراجيح
أرض الله واسعة
أوعاك
وخلى طلبك ديمن لي
دا مافيش حد هيسمعلك
وليك نبى صلى علية
هو وربى اللى هيشفعلك
اوعاك
وتكون حاجة فى بلدى
وبكرة تشوف يا ولدى
بقلم/علي عواد
ليست هناك تعليقات:
إرسال تعليق