الشاعر اللي كان جوايا
مات
والشعر واقف في الصوان
ياخد العزا
وبيبكي ع العمر اللي فات
أصله إنخزى
من كتر ماشاف الآهات
***
والمؤدمين
حبة جمل متكسرين
متدمرين
وبينزفوا بس الأنين
ع الطيبين والطيبات
سامعين صراخ الكلمه
جوه صدري بتندفن
وبيتمنع عنها الصوات
****
متصوتيش
ياحروف حزينه مكسره
على عمر فات في المسخره
وكفايه مر الذكريات
وبإيه يفيد بس الصراخ
جوه في قلب المقبره
ويا اللي مات
***
صحوا الضمير من رقدته
وجتته صبحت شتات
بيحكي انه ف سطوته
ياما قال للناس حاجات
بس اتربط
واللي ارتبطت
بالحق مات
خالد موسى السيد
ليست هناك تعليقات:
إرسال تعليق