رؤية عمي قدورة... بقلم محمد المنفلوطي

رؤية عمى قدوره
ليه ياعمى قدوره
تفرح وتهلل للكوره
لأنه ما فيها محسوبيه
والحَكم عليه شهود مرئيه
ومافيها حاجه متداريه
مايظهر ع الشاشه
نشوفه بكل بشاشه
من غير غشاوه ولاغشاشه
تقصد ايه دلنى عليه
أقول ايه ولا ايه
المحسوبيه اللى علمها لينا البيه
اللى بسببه الجنيه بقى بيه
كله من فساد أولاد  الايه
ياولدى العمر بقى فيه ايه
طال عمرك يا عمى قدوره وطال عمر البيه
طال وقاعد أشوف مين فينا هياخد ايه
أربع سنوات من السيسى حكمت للكل عليه
فى عُشر المده زاد وعَدَه
لا كان بطل فى الشباب والسن ماعليه عتاب
الله يجازى العصفوره كانت فى الصوره
والعصفوره كانت مغروره
والمعاشات بقيت مقهوره
من الغلا خليك فى الصوره
البلد معزوره
احنا نزود فى النسل
واحنا ندفع الفاتوره
بقينا زى حلة كرنب محشى
تدخل بروحك متطلعشى
أه منك يادنيا غروره
الأحسن خلينا فى الكوره
***** محمد المنفلوطى*****