الشاعر /حسانين غندور ...يكتب ...عشاق ...

عشاق
عشاق يا قلبى
وبقينا لوحدنا
وسنين ضاعت من هوانا
وبكينا على عمرنا
هو احنا يا قلبى
ما بين الناس مظلومين
ومحدش حس بينا
وإللى سابنا مخدوعين
وتعبنا من الليالى
ودوبنا من سنين
وسهرنا الليل يا غالى
انا وانتا وللا مين
واختارنا إحنا فراقنا
ورضينا بجرحنا
وصبرنا عللي جرحنا
مهو داب في حبنا
ومشينا في الطريق وياه
وكمان بيذلنا
نعشق وندوب في هواه
ويجرحنا في قلبنا
ويادوب نقول الآه
يفرح في آلامنا وهمنا
نسكت كتير نلقاه
بيقول بيحبنا
طاب هو فين الحب
دا وهم كان عندنا