الشاعر / حسانين غندور ...يكتب ...لف بيا الزمان ....

لف بيا الزمان وكان بيجرحني
ومفيش في قلبي حبيب يفرحني
مقطوع من شجرة مليانه حزن ودموع
وعايش في زمن حزين ومخدوع
نفسي افرح ليله والفرح عني ممنوع
صبرت سنين طويلة وبيا عذاب وبيا شموع
راح مني حبيب كان حبه في قلبي غالي
وديمن اسمه يخطر على بالي
كل ليلة بشوف صورته في احلامي وخيالى
اهرب من الدنيا تاخدنى السنين
يجرحني الزمان اعطش حب وحنين
أمشي في سكه بعيدة مأهور وحزين
اسيب الجرح والجرح ماسك فيا
الناس تقول ليه كل ده
اقول ده مكتوب عليا
أجمل سنين عمري راحت من زمان
وملقتش في الحياه مكان
قولت يا صاحب آتاري الصاحب جرح وخان
عشت طول عمري في الجراح
وملقتش نفسي في يوم مرتاح
قولت اعمل ايه يا قلبي
قلبي قال كفاية اللي راح
مليان هم وصابر سنين وسنين
بفتكر ايام تنزل مني دموع العين
وموش عارف يا زمن انا مين
انا انسان عايش في الدنيا حزين
زهقت من حياتي ودنيتي
كل يوم بيمر توحشني ضحكتي
كل يوم بيفوت تتعبني رغبتي
نفسي الاقي لقلبي حبيب
نفسي الاقي لجرحي طبيب
بس كل شيء في الدنيا نصيب
زرعت وردة شوء مكتوب عليها اسمي
طرحت الوردة عود جميل ضميته بيني يأسي
آتاري العود مليان جراح
طاب اجيب اللوم على الزمان
وللا أجيب اللوم على نفسي
يا زمن غريب وبايع
يا جرح في قلبي واجع
يا حلم مني ضايع
يا اغلى حب راحل وموش راجع