الشاعر/أحمد أبو زياد .....يكتب ...مصر دنيا ...

مصر دنيا

    مصر هيا دنيا جنه
    كل اللى عاش فيها غنا
    واللى مازارها فى حلمه يتمنى
    دى فيها النفوس صافيه
              والضحكه دافيه
    وقلوب حنيتها تتغنى
    مصر هيا
     الهرم والنيل
    ضحكة النهار
    وسحر الليل
     هواها يشفى العليل
    سمره بعيون كحيله
    تبتسم تقول
    صباح الخير يا جميل
    مصر هيا
    ناسها الطيبين
    ضحكه من القلب طالعه
    إخوات حبايب
    مسلمين مسيحين
    مصر شعب عايش
    رغم الشقى فرحان
    فرحه طفل بهدوم العيد
    وفانوس رمضان
    نيته خالصه للرحمن
    سماها مليان بصوت
    جرس الكنايس
    وتكبيرة الأدان
    مصر هيا
    الشوارع والجناين
    والمدارس والغيطان
    على نيلها تتمشى تتسلى
    بترمس ودره وأكلة بطاطا كمان
    حنطور ياخدك تزور
    القلعه والحسين
    وتتفرج على جمال الخان
    مصر هيا
    حضاره وتاريخ وعلم حديث
    ومناره علمت الكون العماره
    هى دى مصر يا ساده

                         بقلم ... احمد ابو زياد