أحمد إبراهيم النجار يكتب .....

بتاريخ 18/11/2019
الشاعر المصري أحمد إبراهيم النجار
يكتب لأطفال غزة قصيدة ( تحيا غزة )
ملعون ابوك يا جحود
لما الطفوله تموت
في قضية دي منسيه
ياامة مش عربيه
فيها الكرامة خيال
والرقص بالنبوت
فوق العقال بيفوت
تطبيع بتوب صهيون 
ريحه بجيفه غدر
مسجون يا صوت الحق
مسجونه  يا حريه
ملعون ابو صهيون
لو مس توبك يوم
يا حرة ياقدسيه
يا غزة يا منسيه
من كل اخواتك
صوت الصراخ مسموع
بتبكي فيا ضلوع
مسجون على بابك
من غدر عربانك
وحصار ظلام حالك
ما هو ده حالك
من مية سنة عودك
دبلان على حدودك
صرخة اهات صوتك
بتغني غنوة حزن
فيها جبال اليأس 
من كل اخوتك
يا حرة منسيه
في سجن رقاصة
بنجمة سداسيه
ملعون ابوك يا كيان
سرطان مالهوشي مثال
في الغدر والهمجيه
بحماية دولية
مجلس في امن ضرير
والفيتو خير دليل
قتلوا الطفولة بدم
بارد على بابك
ملعون ابو صهيون
لو حتي كان عربي
ناطق لسان عبري
لابس عقال والشال
راقض بكل فجور
على جثة الأطفال
غربان بتوب اعراب
غربان بتوب اعراب
بقلم الشاعر المصري أحمد إبراهيم النجار